|
|
NUEVAS NORMAS DE LA SAGRADA CONGREGACION DE SACRAMENTOS PARA LOS PROCESOS SUPER MATRIMONIO RATO ET NON CONSUMMATO
TEXTO
INSTRUCTIO DE QUIBUSDAM EMENDATIONIBUS CIRCA NORMAS IN PROCESSU SUPER MATRIMONIO RATO ET NON CONSUMMATO SERVANDAS * Dispensationis matrimonii rati et non consummati petitionibus, a Christifidelibus Sedi Apostolicae porrectis, in dies percrescentibus, opportunum visum est Sacrae Congregationi de disciplina Sacramentorum, ad magis animarum bono favendum per sollicitiorem huiusmodi processuum instructionem et definitionem, a Summo Pontifice petere ut normis a jure statutis quaedam afferrentur emendationes. Summus Pontifex, qui plenam habet potestatem dissolvendi vinculum matrimonii rati et non consummati,' postquam vota Dicasterii ac instantias nonnullorum animarum Pastorum sedulo consideravit, eadem Plenario Coetui Patrum praefatae Congregationi praepositorum examinanda commisit. Rogationibus autem in Plenario Coetu diligenter examinatis et Episcopatu Catholico audito, Summus Pontifex ea quae sequuntur statuere dignatus est:
. DE FACULTATE GENERAL! CONF1CIENDI PROCESSUM
SUPER MATRIMONIO RATO ET NON CONSUMMATO
Ad S. Congregationem de disciplina Sacramentorum exclusive 2 cognoscere spectat de facto inconsummationis matrimonii non tantum inter partes catholicas, sive ad * AAS 64, 1972, pp. 244-252. 1 Can. 1119; Pius XII, Motu proprio Crebrae allatae, 22 febr. 1949, can. 108. 2 Cann. 249 S 3, 1962; Pius XII, Motu proprio Cien i sanctitati, 2 iun. 1957, can. 196 S 3; Pius XII, Motu proprio Sollicitudinem Nostram, 6 ian. 1950, can. 470; Paulus VI, Const. Ap. Regimini Ecclesiae Universae, 15 aug. 1967, n. 56 Si: AAS 59, 1917, p. 904. Summus Pontifex, Sui Pontificatus exordio, confirmare solet S. R. Rotae Decano habitualem facultatem pertractandi, Turno id postulante, causas super matrimonio rato et non consummato, si et quatenus exoriantur e causis nullitatis matrimonii quae ad idem Tribunal fuerint legitime delatae, atque ad effectum ac finem praebendi Ipsi Summo Pontifici dispensandi consilium.
|
