|
|
TRIBUNAL DIOECESANUM MATRITENSE
Coram Ilmo. Dno. Moyse GARCÍA ToRRES, Officiali
NULLITATIS MATRIMONII A.—L.
Ponente
Sententia 19 ianuarii 1962
I. SPECIES FACTl
Vix e Religiosarum Collegio egressa, verno cúrrente tempore anni 1947, actrix decimum sextum aetatis annum agens, in cognitionem conventi deveniebat qui amicus erat cujusdam ejusdem fratris. Quae cognitio magis magisque crescere incaepit collocutionibus, familiari consuetudine, quininmo et ipsis saltationibus, quas juvenes colebant. Ita incaepit amicitia et consuetudo, quae, licet actrix in alium juvenem profundiorem affectum persensisset, deinde in relationes praematrimoniales est traducta, quae relationes etiam adversus feminae voluntatem, intimae devenerunt, ita ut mulier gravida fuerit facta. Ex tunc actrix veram aversionem, imo et repugnantiam erga virum habebat, nec de matrimonio cum ipso cogitabat; sed certior facta mater de filiae graviditate, ad dedecus celandum, omnem movit lapidem ut filiam persuaderet et convento nuberet. Prae filiae constanti renitentia mater prius hortationibus, deinde imprecationibus et minis, mentem deflectere satagebat; filia tamen in eodem proposito perseverabat nec a consilio resilibat, ita ut libera evaderet ab incussa matris coactione, domum dereliquit, et ad aliam transmeavit, servitio domestico adscita, Mater tamen a proposito non desistebat, et filiam quaesivit, ad domum detulit vim constantem exercens, ut matrimonium acceptaret. Quamvis actrix consilium non mutabat, mater omnia paravit admenuptias necessaria, imo et diem assignavit, semper filia renitente, quae cum pridie caeremoniae conspexit vestem nuptialem ei oblatam, violenter dejecit ac in madefactam terram maculavit. His adjunctis nuptiae sunt celebratae die 23 Decembris 1948, in quo femina eadem mente perseverabat, ut apparet in oppositione patefacta coactioni maternae mane nuptiarum, et in mora deliberata qua Ecclesiam adiit, tristis et amaritudine affecta. Talibus praemissis nihil mirum si conjugium inde ab initio infelicem affectum habuerit, ita ut vita actrici perdifficilis evaderet, ob quae separatio materialis non sero fuit producta. Et edocta deinde conjugium initum nullum declarari posse ob vim et metum a matre incussum die 22 Novembris 1954 supplicem libellum Tribunali Nostro porrexit, ut matrimonium nuUum ex
|
