|
SACRA ROMANA ROTA
NULLITATIS MATRIMONII OB AVERSIONEM ET COACTIONEM, NOCNON EXCLUSIONIS PROLIS
VOTUM DEFENSORIS VINCULI
EXCELLENTISSIMI PATRES • .-FACTI SPECIES
1. In Urbe, mense septembri anni 1949 vertente, johanna G., duodeviginti annos nata, obvium habuit Heraclius di M., unius ac viginti annorum juvenem, qui in propinqua domo degebat. Venustate enim puellae captus, in eam incidere et cum ea loqui juvenis desiderabat, quapropter repetere illam coepit quovis se conferret, ut eidem sensus animi sui aperiret. Quos nec respuit puella. Mutua amoris signa sibi invicem dare coeperunt, sponte quidem, et insciis prorsus utriusque parentibus. Frequentes occursus excitaverunt erga mulierem propensionem viri, qui, haud obstante mulieris parentum contrarietate, cum ea amicitiam nexuit. Cum autem dilectio inter ipsos pedetentin percrebuerit, in illicitos amores perrexit. Mense septembri 1950, post annurn a primo occursu, juvenes sexualem inceperunt inter se habere relationem, ex qua puella praegnans evasit, licet adhuc integra, et vir tantummodo, una quidem vice aestu passionis obnubilatus, ad ostium vaginae inseminaverit. Mulier, post actum impudicitiae incompletum, odium in juvenem stupratorem, ut contenditur, concepit ; et dum matri patefecit regularum absentiam, cum juvene tamen in gratiam redivit atque deinceps Doctores F. et C. consuluerunt de puellae praegnantia. Responsionem affirmativam cum habuerint, infamiae evitandae gratia, ad abortum procurandum, licet frustra, medicales praestationes puella nec respuit. In notitiam matris puellae, mense decembri exeunte, pertulit Doct. C., quae, re cognita, ut sui suaeque familiae honori consuleret, eidem matrimonium imposuit atque puella tacite consensit. Et illa mater, cum cognovisset voluntatem juvenis injuriae per justas nuptias reparandae, parentibus viri jam domi advenientibus diaetam offerre filiae non omisit inter alia.
|